الجحفة:

الجحفة:

جحفة مزينة بأجمل الالوان و جمل يجلب الانظار يركبوا عليه ولد باش يكون نحت العروسة الجديدة بالالولاد و يقصدوا ربي باش يجيبوا عروسهم في محفل عظيم طبال و زكرة و بندير و ميازة يزيدوا في وهرة محفلنا و بصوت المقرون تعودنا نحي الافراح ننسى الاطراح و لا نخلي للحزن صراح صوت البراح في الناس ينادي صداح صوته مبحاح لا يماثل ميازة صحاح، راح الي راح، ميازة و رجال ملاح، و برغم اللي راح ما زلنا نلقوا الصلاح نصرخ و نميز صباح ندفن الاجراح و بمقروني نحيي الافراح.
و يوصل محفلنا لدار العروسة و تخرج من بيتها باطراف المقرون يقودها خوها و الا العريس و قبل ما تطلع العروسة للجحفة تتعنى على اهلها و جيرانها و احبابها (احضر يا زين و كدس من الشرق هاته و من الغرب هاته اجعل كلامها يزور عند الشايب و العزوز، يجعل كلامها فايز و يعليها ما يعلي القرطاس على الركايز..)
و بعد ما تتعنى تركب في الجحفة و تقصد دار عريسها من الطريق اللي جو منها ، و كتوصل و قبل ما تدخل نكسر اربعة كعبات عضام على العتبة فال خير باش يكون دخولها بالهنى و السعد و الذرية الصالحة.
تهنت العروسة و وصلنا لنهار الصباح تتنصب الجنادة و العاب العراسة جنادة و العاب: واحد يخطف و الاخر يرجع و اذا وصل المطرق للعروسة ما تفرط فيه للعراسة كان بالفلوس.